剛過去嘅聖誕節，一直深居英國湖區小鎮 (Lake District) 超過100年嘅英國國家級繪本童話人物 Peter Rabbit（比得兔）首次以聖誕造型亮相香港，並喺將軍澳中心中庭為大家帶嚟《將軍澳中心‧Peter RabbitTM雪國聖誕村》。

為咗延續Peter Rabbit呢個充滿暖意嘅國度，將軍澳中心以Peter Rabbit最愛食嘅蘿蔔為主題，特意設計咗「齊來種蘿蔔」嘅數碼遊戲，等大家透過小遊戲學習有機耕種嘅知識。為咗令大家更進一步體驗有機耕種嘅樂趣，將軍澳中心更喺今個月一連三個星期日，喺商場中庭舉行「有機耕種探索坊」，歡迎3歲或以上小朋友參與，令佢地成為有機耕種嘅小農夫。

活動由Easy Organic Farming 共同合辦。導師喺工作坊內除咗會講解有機耕種知識外，並會教授小朋友耕種嘅方法，學員仲可以即席品嚐以自家種植嘅有機蘿蔔所烹調嘅小食。一眾小朋友嘅有機耕種成果，將會喺將軍澳中心與基督教香港信義會喺農曆新年合辦嘅送暖行動中大派用場，到時名廚馬榮德師傅將會精心製作100底足料海味蘿蔔糕，與葵涌區基層家庭喺「蘿蔔盛宴」上一齊品嚐，與大家以愛心及暖意率先團年。

商場內有機耕種體驗　品嚐蘿蔔原味道

1月起一連三個星期日（1月6、13及20日）下午4時至5時45分，將軍澳中心特邀Easy Organic Farming嘅導師進駐場內中庭舉行「有機耕種探索坊」。導師除咗會教授大家一啲耕種小知識外，更會喺場內設置有機農田，俾家長及小朋友一起動動手，共同體驗有機耕種嘅樂趣。

大家可以喺工作坊一次過學習農夫由播種直至收成嘅過程，從中體會農夫嘅日常工作。導師們更會即席為參加者烹調兩種口味蘿蔔，除咗有原味蘿蔔，仲加入咗日式和風口味，令大家可以感受蘿蔔嘅原始鮮味外，亦可以親嚐烹調蘿蔔嘅唔同煮法，絕對係難得嘅週末親子經驗！喺指定日子於場內消費滿港幣100元（最多累積兩張消費單據），大家就有機會喺將軍澳中心內親親大自然，更為即將舉行嘅農曆新年送暖行動出一分力！

將軍澳中心「有機耕種探索坊」
活動日期：2019年1月6、13、20日（逢星期日）
時間︰
第一節：下午4時至4時45分（45分鐘）
第二節：下午5時至5時45分（45分鐘）
換領地點︰將軍澳中心L1顧客服務中心
參加詳情︰於商場內消費滿HK$100（最多累積2張消費單據），即可參加一節。
參加者須年滿3歲（11歲或以下參加者須由家長陪同）
每節名額12人，先到先得，額滿即止。

夥拍名廚精心炮製愛心蘿蔔糕　為農曆新年送暖行動做好準備

農曆新年就快到啦，一眾小朋友努力耕種嘅蘿蔔將會大派用場！將軍澳中心聯同基督教香港信義會將於1月31日（星期四）共同合辦「賀年送暖活動」，並邀請到名廚馬榮德師傅精心製作100底足料海味蘿蔔糕，與一眾葵涌區基層家庭品嚐「蘿蔔盛宴」，馬師傅更會喺盛宴上即席示範煎蘿蔔糕，冀眾人回家能與家人歡度佳節。送暖行動詳情將於不日公佈。